PEJA-BOREA
Borea fiton derbin, fut Pejën në zonën e rrezikshme
25 March, 2018 @19:41
Një fitore e rëndësishme e Boreas në derbin lokal ndaj Pejës, ka futur këta të fundit në zonën e rrezikshme të Superligës katër xhiro pa përfunduar stinori i rregullt i elitës.
Të drejtuar nga Dak Turku dhe me lojë të mirë kryesisht në çerekun e fundit, kur edhe bën dallimin kryesor, lojtarët e Boreas kanë siguruar triumfin e gjashtë të stinorit, 78-85, për të dalë nga zona e rrezikshme e Superligës.
CJ Carter me 21 pikë, 6 asistime e 2 kërcime ka qenë më efikasi te Borea. Ndërsa 20 pikë tjera e 12 kërcime ka shtuar Blendi Matoshi që ka kryer ndeshjen me double-double.
Në anën tjetër, double-double prej 10 pikëve e 16 kërcimeve nga Rron Ukaj dhe 15 pikë e 11 kërcime nga Rron Grapci - nuk mjaftuan për verdhezinjtë.
Beqë Kovaçi shtoi 30 pikë e 6 asistime te Peja, duke qenë më efikasi aty, por humbja s’u evitua. Peja regjistroi humbjen e 18 të stinorit.
Rezultati sipas çerekëve:
| (15-13, 28-18, 17-27 dhe 18-27) |
