GAME 5: CELTICS - CAAVS
Foto: nba.com
Boston Celtics pranë finales
24 May, 2018 @9:32
Boston Celtics, sot në mëngjes në ndeshjen e pestë të serisë ndaj Clevelandit, arriti ta mposht kundërshtarin me rezultat 96-83.
Seria e fitoreve për keltët në shtëpi (TD Garden), është ngritur në 10 ndeshje, derisa i nevojitet vetëm edhe një fitore për t’u kualifikuar në finalen e madhe të NBA-së.
Gjatë ndeshjes, epërsia e vendasve është ngritur në 21 pikë, derisa krahas mungesave kryesore, Bostoni luajti përsëri në mënyrë ekipore dhe fitoi. Më së shumti u dallua rookie Jayson Tatum me 24 pikë, 7 kërcime, 4 asistime e 4 topa të vjedhur, që u ndihmua edhe nga Jaylen Brown me 17 pikë të tjera.
Te Clevelandi, vetëm dy lojtarë arritën të shënojnë pikë dyshifrore. LeBron Jamesi luajti me 26 pikë, 10 kërcime e 5 asistime dhe Kevin Love me 14 pikë.
Ndeshja e gjashtë e serisë do të luhet në palestrën e Clevelandit më 26 maj.
