GAME 4: WARRIORS - ROCKETS

Foto: nba.com
Houston barazon, rifillon seria
23 May, 2018 @10:11
Skuadra nga Teksasi, Houston Rockets, arriti ta mposht në ndeshjen e katër të serisë finale të Konferencës Perëndimore Golden State Warriorsin, me rezultat 95-92 dhe kështu u barazua seria në 2-2.
Warriorsat e nisën ndeshjen me një seri prej 12-0, por më pas erdhi këndellja e raketave dhe e mposhtën kundërshtarin për ta barazuar serinë.
James Harden në këtë ndeshje luajti me 30 pikë, ku u ndihmua edhe nga Chris Paul me 27 të tjera.
Te Golden State, Stephen Curry u dallua me 28 pikë, derisa mungesa e Andre Igoudalas është vërejtur dukshëm.
Rezultati në seri është 2-2, derisa ndeshja e pestë e serisë do të luhet më 25 maj në palestrën e Houstonit.