Doncic MVP i Final Fourit

Supertalenti slloven i Real Madridit, Luka Doncic, e mbylli stinorin me plot sukses.

Pasi u zgjedh në pesëshen më të mirë të vitit dhe MVP i stinorit të rregullt në Euroleagues, Doncic është zgjedhur edhe MVP i Final Fourit.

19 vjeçari Luka Doncic, pas ndeshjes ka thënë se është një ndenjë mahnitëse dhe i falenderoi bashklojtarët e tij: “Të gjithë më pyetën se si po ndihesh, unë nuk kam asnjë fjalë, është mahnitëse”.

“I kam bashkëlojtarët të mrekullueshëm, gjithashtu i mrekullueshëm është edhe trajneri im Pablo Laso, që më dha mundësinë të luaj për të. Sivjet për mua ishte stinori që mu realizuan ëndrrat. Kur 3 vite më heret u shpalla kampion me skuadrën e juniorëve, kisha xhelozi për skuadrën seniore. Mësova shumë gjëra, mendoj se e shfaqa këtë, mendoj se luajtëm më shumë si ekip në finale”, ka thënë slloveni.

SKEMA E FINAL FOURIT

Luka Doncic, përveç çmimeve të fituara me Real Madridin, ai stinorin 2017/18 e mbylli me kombëtaren e Sllovenisë duke u shpallur kampion në Kampionatin Europian.