FINAL FOUR: FINALJA
Foto: Euroleague
Real Madridi kampion i Euroleagues!
20 May, 2018 @22:30
Real Madridi është kampion i Euroleagues për sezonin 2017/2018!
Skuadra spanjolle në finale të Final Four-it e mposhti Fenerbahçen, për ta fituar kështu këtë trofe për herë të dhjetë në histori të klubit.
EUROLEAGUE - SKEMA E FINAL FOUR-IT
Ndeshja në përgjithësi kaloi me rezultat të përafërt mes skuadrave, mirëpo më të përqëndruar në momentet vendimtare u treguan spanjollët, të cilët në fund triumfuan me rezultat 85-80.
Sa i përket paraqitjeve individuale, më të dalluarit te Reali sonte ishin Fabien Causeur (17 pikë, 2 kërcime, 2 asistime, 1 vjedhje të topit) dhe Luka Doncic, MVP i Final Four-it, (15 pikë, 4 asistime, 3 kërcime, 1 vjedhje të topit), derisa te turqit u veçua Nicolo Melli me 28 pikë, 6 kërcime e 1 asistim.
