FBK NJOFTON
Emërohen trajnerët e përfaqësueseve të reja
Teksti: FBK
21 May, 2018 @13:04
Bordi i Federatës së Basketbollit të Kosovës (FBK) të hënën (21.05.2018) i ka emëruar përzgjedhësit dhe ndihmësit e Përfaqësueseve të Kosovës të grupmoshës U-16, U-18 në të dyja konkurrencat (meshkuj/femra), si dhe të U-20 në konkurrencën e meshkujve.
Përzgjedhës i Përfaqësueses U-20 është emëruar trajneri amerikan Ernie Lee Nestor (aktualisht asistent i Brad Greenberg tek Përfaqësuesja A), ndërsa ndihmës të tij do të jenë Ilir Selmani dhe Ismet Ferati, ndërsa udhëheqës i delegacionit të Kosova U-20 do të jetë Naim Hajrizi.
Përzgjedhës i Përfaqësueses U-18 është emëruar Ibrahim Karabeg, kurse ndihmës të tij do të jenë, Gyltekin Selimi dhe Ilmen Bajra.
Përzgjedhës i Përfaqësueses U-16 është emëruar Muhammed Thaçi, kurse ndihmës të tij do të jenë, Valentin Spaqi dhe Laurant Ibrahimi.
Përzgjedhës i Përfaqësueses U-18 (femrat) është emëruar Fidan Shatri, ndërsa ndihmës të tij do të jenë Pal Syla dhe Arsim Berisha.
Përzgjedhëse e Përfaqësueses U-16 (femrat) është emëruar Kimete Haliti, ndërsa ndihmës të saj do të jenë Gyltekin Selimi dhe Artina Hasani.
KAMPIONATET KU MERR PJESË KOSOVA
Kampionatet Evropiane në të cilat do të marrin pjesë Përfaqësueset e Reja të Kosovës mund ti gjeni mëposhtë:
Meshkujt
Kosova U-20 do të garoj në Kampionatin Evropian U-20, Divizioni B që do të mbahet prej 13 deri më 22 korrik në Sofje të Bullgarisë.
Grupi D: Kosova, Finlanda, Polonia, Gjeorgjia, Portugalia.
Kosova U-18 do të garojë në Kampionatin Evropian U-18, Divizioni C që do të mbahet prej 22 deri më 29 korrik në Prishtinë.
Grupi A: Moldavia, Armenia, Irlanda, Malta, Monako.
Grupi B: Qipro, San Marino, Kosova, Gjibraltari.
Kosova U-16 do të garojë në Kampionatin Evropian U-16, Divizioni B që do të mbahet prej 9 deri më 18 gusht në Sarajevë të Bosnje e Hercegovinës.
Grupi D: Ukraina, Bosnja e Hercegovina, Republika Çeke, Zvicra, Kosova, Bjellorusia.
Femrat
Kosova U-18 do të garojë në Kampionatin Evropian U-16, Divizioni B që do të mbahet prej 3 deri më 12 gusht në Oberëart të Austrisë.
Grupi D: Norvegjia, Kosova, Ukraina, Bjellorusia, Sllovakia, Luksemburgu.
Kosova U-16 do të garoj në Kampionatin Evropian U-16, Divizioni B që do të mbahet prej 16 deri më 25 gusht në Podgoricë të Malit të Zi.
Grupi C: Izraeli, Irlanda, Rumania, Zvicra, Luksemburgu, Kosova.
