Brose Bamberg arrin fitoren e parë

Skuadra gjermane, Brose Bamberg, ka shënuar fitoren e parë të stinorit sonte në Euroligë. Bamberg ka mposhtur ekipin rus Unics Kazan në një duel krejtësisht të barabartë, me 89-86 në fund.

Mundësinë për të çuar ndeshjen në vazhdime e kishin në fund rusët, por lojtari i tyre, Quino Colom, dështoi të shënojë nga gjuajtjet e lira dhe rezultati nuk ndërroi.

Në fakt, Unicsi ka qenë në epërsi gjatë pjesës më të madhe të ndeshjes, derisa Bamberg u këndell në çerekun e fundit kur morri avantazhin minimal për ta çuar me faulime taktike dhe zëvendësime të shumta ndeshjen deri në fund, për t’iu gëzuar në fund fitores.

TABELA AKTUALE

Nikos Zizis luajti me double-double për Bambergun duke shënuar 16 pikë e 12 asistime, ndërsa më efikasi ishte Janis Strelnieks me 17 pikë.

Te Unicsi, 24 pikët e Keith Langfordit dhe 20 të tjera të Coty Clarke-ut shkuan kot.

Pas kësaj xhiroje, Bamberg ka bilanc 1-1, ndërsa Unicsi 0-2.