Reali fiton edhe në Tel Aviv

Një trepikësh i Jaycee Carrollit 7:45 pa përfunduar ndeshja shkëputi lojën dhe ia solli fitoren Real Madridit në mysafirllëkun e vështirë ndaj Maccabi Tel Avivit sonte.

Me këtë treshe madrilenët ikën 5 pikë epërsi ndaj ekipit izraelit dhe nuk e lëshuan deri në fund, për të shënuar fitoren e dytë me radhë në Euroligë, 82-89.

TABELA AKTUALE

Carroll ka qenë më efikasi te Reali sonte. Ai ka shënuar 18 pikë dhe ka realizuar 3 kërcime, ndërsa me 16 të tjera ka kontribuuar Rudy Fernandez e 14 i shënoi Sergio Llull. Ky i fundit e përfundoi ndeshjen me double-double fantastik, ku përveç pikëve të cekura shtoi edhe 11 asistime.

Real Madrid pas 2 xhirove ka 2 fitore, ndërsa Maccabi Tel Aviv mbetet pa fitore ende.