LINDJE
Foto: CAVS OFFICIAL
Cavs, skuadra e parë finaliste
9 May, 2016 @0:17
Nën udhëheqjen e treshes James-Love-Irving, Cleveland Cavaliers shënuan fitore edhe në ndeshjen e katërt ndaj Atlantas në kuadër të gjysmëfinales së Konferencës Lindore. Me fitoren e shënuar sonte, Cavs mbyll serinë ndaj Hawks me rezultat të përgjithshëm 4-0 dhe e siguron finalen e Konferencës Lindore.
Ndeshja ishte e barabartë gjatë gjithë kohës, me Millsap e Schroder që vazhdimisht krijonin probleme për mbrojtjen e Cavaliers. Mirëpo në çastet vendimtare, Cavs u treguan të vëmendshëm dhe nuk lejuan zhvillimin e ndeshjes së pestë.
LeBron James ishte shumë pranë triple-double, me 21 pikë, 10 kërcime e 9 asistime, ndërsa Kevin Love pati 27 pikë, 13 kërcime e 4 asistime. Kyrie Irving takimin e mbylli me 21 pikë e 8 asistime.
Që nga fillimi i serisë play-off, Cleveland Cavaliers nuk kanë pësuar asnjë humbje, ndërsa në finalen e Konferencës Lindore presin fituesin e takimit mes Torontos e Miamit.
