Celtics barazon serinë në vazhdime

Boston Celticsit i janë dashur 5 minuta shtesë dhe vazhdimet për të barazuar serinë ndaj Atlanta Hawksit sot.

Kjo, pasi që ndeshja në kohë të rregullt përfundoi 92-92. Ndërsa në vazhdime Celtics ishte shumë më i mirë se Hawks, duke i mposhtur 12-3 për ta bërë serinë 2-2.

Isaiah Thomas udhëhoqi ekipin në barazimin e serisë me 28 pikë të shënuara dhe 6 asistime të realizuara. Atij i ndihmuan mjaft edhe dyshja Jonas Jerebko me 16 pikë e 10 kërcime si dhe Marcus Smart që realizoi 20 pikë, 5 asistime e 8 kërcime.

E te shqiponjat e Atlantës, 45 pikët dhe 13 kërcimet e Paul Millsapit shkuan më kot pas këtyre vazhdimeve.

Pas kësaj ndeshjeje, të dyja skuadrat kanë fituar nga dy ndeshje nëpër shtëpitë e tyre. Pas dy të parave në Atlanta dhe dy të fundit në Boston, seria vazhdon në Atlanta.