RIKTHEHET KAMPIONI
Kampioni shuan raketat, lëndohet Curry
25 April, 2016 @2:05
Kampioni aktual i NBA-së, Golden State Warriors, është një fitore larg gjysmëfinales, por nuk i’u gëzua shumë fitores, ngase super ylli i skuadrës Stephen
Curry, është lënduar përsëri.
Ai u lëndua në fund të çerekut të dytë, derisa nuk ishte në gjendje ta vazhdojë ndeshjen në dy çerekët e mbetura, kursa rezultati ishte i barabartë në fund të pjesës së parë, 56-56.
Sidoqoftë në pjesën e dytë, Warriorsat, nuk e vërejtën mungesën e Stephen Curryt dhe dominuan tërësisht për ta mposhtur Houstonin me rezultat 121-94.
Klay Thompson, luajti me 23 pikë e 5 asistime, derisa u ndihmua edhe nga Andre Iguodala me 22 pikë të tjera, në anën tjetër, James Harden, ka bërë çdo
gjë për fitore (18 pikë, 10 asistime, 7 kërcime, 7 topa të vjedhura) por nuk mjaftuan për fitoren e dytë të raketave.
Seria do të bartet në palestrën e Golden State Warriorsit, ku ndeshja e pestë do të luhet me 27 prill.
Lëndimi i Stephen Curryt.
