CELTICS-NETS
Celtics startojnë me fitore
27 October, 2016 @11:51
17 herë kampioni i NBA-së, Boston Celtics, sezonin e ri e filloi me fitore ndaj Brooklyn Nets në takimin e luajtur në ‘TD Garden’.
Celtics ishin më të mirë që nga fillimi i takimit, ndërsa fitorja u rrezikua vetëm në çastet e fundit të takimit, ku Nets u afruan shumë në rezultat, duke aplikuar mbrojtje të mirë dhe sulme të shpejta përmes Bojan Bogdanovicit në formë, mirëpo një shënim i Bradleyt për vendasit e mbylli ndeshjen, duke bërë që skuadra nga Massachusetts ta nis me fitore sezonin e ri.
Më i dalluari për skuadrën e drejtuar nga Brad Stevens ishte Isaiah Thomas me 25 pikë, 9 asistime e 6 kërcime. Paraqitje të mirë pati edhe Jae Crowder me 21 pikë, 2 asistime e 5 kërcime. Për mysafirët u dallua Bojan Bogdanovic me 21 pikë e 5 kërcime, ndërsa në çerekun e fundit paraqitje të mira zhvilluan edhe Hamilton e Lin.
