KBF PENZA - KBF BASHKIMI
Çereku i dytë vendimtar, Penza përsëri triumfon në derbi
29 November, 2021 @21:44
Kampionja aktuale e Ligës së Femrave, Penza, e mposhti përsëri Bashkimin.
Skuadra pejane triumfoi me rezultat 77-68.
Dallimi në ndeshje u bë në çerekun e dytë, ku Penza shënoi 20 pikë dhe pësoi 12.
Cheah Rael-Whitsitt shkëlqeu te Penza me 31 pikë, 18 kërcime, 7 topa të rrëmbyer, 6 asistime e 2 bllokada, derisa basketbollistja tjetër me pikë dyshifrore ishte Rhein Beamon me 14 pikë.
Edhe te Bashkimi në skenë ishin vetëm basketbollistet të huaja. Christina Ellis luajti me 20 pikë, Chervelle Cox me 14 pikë e 10 kërcime dhe Janelle Porter me 15 pikë të tjera, por nuk mjaftoi për fitore.
Kjo ishte fitorja e dytë e Penzës kundër Bashkimit në këtë sezon, derisa me 7 fitore e 1 humbje gjendet në pozitën e dytë. Në anën tjetër Bashkimi me 4 fitore e 3 humbje gjendet në pozitën e tretë.
Penza në xhiron tjetër takohet me Kastriotin, derisa Bashkimi e pret Prishtinën në Prizren.
