ABA LEAGUE FINAL
Cibona kampione e Adriatikut
28 April, 2014 @9:11
Cibona ka arritur që të fitojë titullin e kampionit në ABA League, duke e mposhtur Cedevitën në finale.
Supertalenti kroat, Dario Saric, ka qenë i pakapshëm për kundërshtarin duke shënuar 23 pikë, 11 kërcime dhe 7 asistime në fitoren e ekipit të tij, 59-72.
Cibona me të përfunduar çerekun e parë në epërsi, më nuk ktheu kokën prapa, derisa edhe trajneri i Cedevitës, Jasmin Repesa, pas disfatës në finale tha:
“Nëse është dashur nga dikush të humbas në finale, atëherë më vjen mirë që kam humbur nga ky talent. Dario Saric dhe Slaven Rimac janë si fëmijë të mi dhe ata kanë mentalitet fitues që në moshë të re. Kjo është fitore e basketbollit kroat.”
Cibona dhe Cedevita kanë siguruar pjesëmarrjen në Euroleague stinorin tjetër, pasi që kanë eliminuar Partizanin dhe Crvenza Zvezdën në Final Fourin e Ligës së Adriatikun të zhvilluar në Beograd në fundjavën që shkoi.
