Levski kampion

Levski Sofia është kampione e Balkan League për stinorin 2013/14. Ekipi nga kryeqyteti bullgar ka arritur që në finalen e madhe të Final Four Prishtina 2014 të mposht kundërshtarin izraelit, Galil Gilboa, me 6 pikë dallim, 75-69. 

Levski kështu ka arritur që në finalen e tretë me radhë ndaj Galilit, të shënojë fitoren e parë dhe t’ia rrëmbejë titullin nga dora kampionit në fuqi. 

Amerikani Jumaine Jones dhe bashkëkombasi i tij, Lionel Chalmers kanë qenë basketbollistët më efikas të ekipit bullgar që fitoi titullin e kampionit. Jones ka shënuar 14, derisa Chalmers 14 pikë tjera në fitoren e ekipit të trajnerit më Shoëman të BIBL, Konstantin Papazov. 

Në anën tjetër te izraelitët, që gjatë tërë ndeshjes i bënë presion dhe deri në sekondat e fundit të ndeshjes nuk ndërprenë luftën më të dalluarit sa i përket pikëve të shënuara ishin Rick Jackson me 17 dhe Amit Simchon me 14 pikë. 

Me këtë ndeshje ka përfunduar organizimi i Final Fourit në Prishtinë, që ka marrë vlerësime të larta nga çdo person i cili ka qenë për të parë këtë ngjarje. 

E renditja përfundimtare e BIBL, për stinorin 2013/14 duket kështu: kampion, Levski Sofia, nënkampion Galil Gilboa, medalje e bronztë Balkan Botevrgad dhe e katërta Sigal Prishtina. 

GALIL GILBOA

LEVSKI