Cleveland afër finales

Kampioni aktual i NBA-së, Cleveland Cavaliers, e mposhti Boston Celticsin në ndeshjen e katërt të serisë finale të Konferencës Lindore me rezultat 112-99.

LeBron James, i bëri 4 gabime personale në pjesën e parë të ndeshjes (për herë të parë gjatë karrierës së tij) dhe u detyrua të pushonte, por në skenë doli Kyrie Irving i cili shpërtheu me 42 pikë (shifra më e lartë në karrierën e tij në Play Off), ndërsa me rikthimin e Jamesit, Cavsat prej disavantazhit 16 pikësh arritën ta mposhtin kundërshtarin për të kaluar 3-1 në epërsi në seri.

LeBron James krahas problemeve me faulime luajti me 34 pikë, 6 asistime e 5 kërcime, ndërsa Kevin Love shtoi 17 pikë e 17 kërcime.

Te Bostoni në mungesë të Isaiah Thomasit, u dallua Avery Bradley me 19 pikë.

SKEMA E PLAY OFFIT

Rezultati në seri është 3-1 në favor të Cleveland Cavaliersit, derisa ndeshja e pestë e serisë do të luhet më 25 maj në TD Garden të Bostonit.