CSKA e fillon me fitore

Skuadra ruse, CSKA Moscow, ka arritur të mposhtë Barcelonan me rezultat 95-75, për ta filluar sezonin e ri në Euroleague me fitore.

Pjesa e parë ishte ajo që e përcaktoi fituesin, pasi që në përfundim të pjesës së parë, CSKA arriti një epërsi prej 22 pikëve, 51-29, dhe dilema për fituesin më nuk kishte.

Te CSKA-ja katër lojtarë shënuan pikë dyshifrore, Cory Higgins 18, Nando De Colo 17, Will Clyburn 13 dhe Sergio Rodriguez 12 pikë, ndërsa tek Barcelona vetëm dy lojtarë shënuan pikë dyshifrore, Kyle Kuric 15 pikë dhe Jaka Blazic 11 pikë.

Në xhiron e dytë, CSKA-ja luan ndaj Maccabi Tel Avivit, kurse Barcelona përballet me skuadrën Herbalife Gran Canaria.