Ukrainasit, rivali i parë i Prishtinës

Skuadra e Prishtinës ka kuptuar edhe rivalin e tretë në grup të FIBA Europe Cup.

Bardhekaltërit përveç Bakken Bears, Steaua, në grup do të kenë edhe ekipin ukrainas, Cherkaski Mavpy.

E pikërisht këta, do të jenë kundërshtar i parë i Prishtinës në në Pallatin e Rinisë dhe të Sporteve.

ORARI I NDESHJEVE:

16 tetor, Prishtina - Cherkaski Mavpy; 24 tetor, Steaua - Prishtina; 30 tetor, Bakken Bears - Prishtina; 7 nëntor, Cherkaski Mavpy - Prishtina; 13 nëntor, Prishtina - Steaua; 20 nëntor, Prishtina - Bakken Bears.

KUSH KALON TUTJE:

Dy ekipet që përfundojnë në dy vendet e para të grupit, kalojnë në fazën e radhës të FIBA Europe Cup.

PRISHTINA dhe FIBA EUROPE CUP:

Kjo është hera e tretë radhazi për Prishtinën që merr pjesë në FIBA Europe Cup. Bardhekaltërit nuk kanë arritur asnjëherë të kalojnë këtë fazë grupore për t’u kualifikuar në fazën tjetër. Synimi primar i ekipit është ky.