TREPÇA
Trepça përforcon pozitën e fundorit
8 October, 2018 @20:05
Skuadra mitrovicase Trepça, zyrtarizoi përforcimin e ri të skuadrës, lojtarin Mark Dorris.
Dorrisi 33 vjeçar, është i gjatë 188 cm luan në pozitën 1, ndërsa së fundi ishte pjesë e skuadrës estoneze KK Parnu. Kjo skuadër gjithashtu ishte pjesë e Ligës Baltike.
Statistikat e fundit të Mark Dorrisit me skuadrën estoneze janë të sezonit 2015/16, sezon në të cilë ai pati mesatare prej 11.6 pikëve, 4.1 kërcimeve dhe 3.6 asistimeve për ndeshje.
Trepça pas 3 xhirove të zhvilluara nuk ka shënuar fitore ende, ndërsa në xhiron e katërt do të përballet me Rahovecin, që është pa humbje deri më tani.
