12 dënime për KB Ylli, pas derbit ndaj Rahovecit

Informatori Nr 3 i Superligës ka bërë të ditur se derbi i zhvilluar në 13 qershori të Suharekës ndërmjet Yllit dhe Rahovecit - ka qenë ndeshja më e tensionuar e xhiros, ndërsa dënimet e shqiptuara nga Komesari i Garave kalojnë katërshifroren për ekipin vendas.

Janë 12 pika në të cilat KB Ylli ka marrë dënime, ndërsa në total shifra kalon 2 mijë eurot për këtë duel.

DËNIMET PËR KB YLLI:

1. KB Golden Eagle Ylli, Konform Nenit 48.15 dënohet me 150 euro. Organizimi i dobët i konstatuar nga vëzhguesi i ndeshjes.

2. KB Golden Eagle Ylli, Konform Nenit 48.4 dënohet me 100 euro. Numri i pamjaftueshëm i PK, si dhe mungesa e Policisë sekondare.

3. KB Golden Eagle Ylli, Konform Nenit 49.11 dënohet me 300 euro. Hyrja e personave jozyrtar në fushë.

4. KB Golden Eagle Ylli, Konform Nenit 48.7 dënohet me 50 euro. Organizimi i dobët i tavolinës zyrtare.

5. KB Golden Eagle Ylli, Konform Nenit 48.8 dënohet me 150 euro. Pengimi i punës së vëzhguesit gjatë ndeshjes.

6. KB Golden Eagle Ylli, Konform Nenit 49.3 dënohet me 300 euro. Hudhja e gjësendeve të forta nga ana e shikuesve vendas.

7. KB Golden Eagle Ylli, Konform Nenit 49.4 dënohet me 500 euro. Hudhja e gjësendeve të forta (goditja e lojtarit Arian Qallaku, KB Rahoveci) nga ana e shikuesve vendas, shkaktimi i lëndimeve me rrezik për jetë.

8. KB Golden Eagle Ylli, Konform Nenit 49.4 dënohet me 100 euro. Anim dhe sjellje josportive ndaj ekipit mysafir dhe personave zyrtar.

9. KB Golden Eagle Ylli, Konform Nenit 49.6.1 dënohet me 200 euro. Largimi i gjyqtarëve të ndeshjes gjatë hudhjes së gjësendeve të forta.

10. Trajneri Arben Krasniqi, KB Golden Eagle Ylli, Konform Nenit 50.2 dënohet me 75 euro.

11. Lojtari Egzon Kuqi, KB Golden Eagle Ylli, Konform Nenit 50.1 dënohet me 50 euro.

12. KB Golden Eagle Ylli, Konform Nenit 48.18 dënohet me 100 euro. Mos-sigurimi i lokalit për përpilimin e raportit të vëzhguesit.

Ylli dhe Rahoveci kanë rivalitet të zjarrtë mes vete, ndërsa edhe kjo ndeshja ka kaluar në atmosferë të nxehtë nga taboret e të dyja palëve si në terren ashtu edhe në publik.

Rahoveci si mysafir mposhti Yllin në këtë ndeshje 83-89. Rahoveci bashkë me Prishtinën, është ekipi i vetëm pa humbje këtë stinor në Superligë, pas tre xhirove të zhvilluara.