WARRIORS VS. MAGIC
Foto: NBA
Curry kalon Stojakovicin, Warriors fiton
22 January, 2017 @20:53
Në takimin e luajtur në një orar të pazakontë nëse flasim për NBA, Golden State Warriors ka triumfuar pa probleme në udhëtim tek Orlando.
Takimi u mbyll me shifrat 98-118, ndërsa në sy ranë 17 treshet e Warriorsave, numër ky rekord sa i përket këtij sezoni tek skuadra nënkampione e NBA-së.
Gjithashtu, në këtë takim Steph Curry e kaloi legjendën Peja Stojakovic sa i përket tresheve të shënuara. Tashmë Curry ndodhet i 13-ti në listën e të gjitha kohërave me 1760 treshe, ndërsa Stojakovic ka zbritur në vendin e 14.
Pas 44 ndeshjeve, Warriors ka rekord 38-6 dhe prin në Konferencën Perëndimore, derisa Orlando ka bilanc 18-28 dhe ka shumë pak gjasa për ta prekur play-offin.
