Gabimet e Jamesit kushtuan me humbje

Dje në palestrën “Quicken Loans Arena”, u përballën ndër skuadrat më të mira në ligë, Cleveland Cavaliers dhe San Antonio Spurs.

Epërsia gjatë ndeshjes ndërroi disa herë, kurse krejt në fund, LeBron Jamesi e kishte rastin për t’ia sjellë fitoren skuadrës, por nuk arriti të shënojë dhe ndeshja shkoi në vazhdime.

Gjatë vazhdimeve superylli James, ka bërë disa zgjedhje të gabuara në shutim dhe me disa topa të humbura, ia lehtësoi punën San Antonios që të fitojë 118-115.

Kawhi Leonard shkëlqeu në fitoren e Spursit me 41 pikë, ku luajti rolin kryesor te skuadra e tij.

Te Clevelandi, edhepse luajti me 7 topa të humbura, më i miri ishte LeBron Jamesi me 29 pikë, 7 asistime e 6 kërcime, por nuk mjaftoi për fitore.

TABELA AKTUALE

Kjo ishte fitorja e 34-të e San Antonio Spursit, derisa Clevelandi ka bilanc prej 30 fitoreve e 12 humbjeve deri më tani.