TOP 5 / FIBA EUROPE CUP
Dardan Berisha në TOP 5-shen e FIBA Europe Cupit
20 December, 2018 @23:24
Performanca fenomenale e yllit të Prishtinës Dardan Bersha kundër skuadrës hungareze Szolnoki Olaj, ka bërë që ai të hyjë në TOP 5 lojtarët më të mirë të javës.
Prishtina e mposhti kundërshtarin me rezultat 81-76, derisa Dardan Berisha shkëlqeu me 17 pikë, 6 asistime e 5 kërcime.
Përveç Dardanit, në pesëshen e javës janë edhe: Trae Golden (Avtodor Saratov), Xavier Cooks (S.Oliver Wurzburg), Jordan Heath (Alba Fehervar) dhe Strahinja Milosevic (Szolnoki Olaj).
Kjo ishte fitorja e parë e Prishtinës në raundin e dytë të FIBA Europe Cup, fitore që është historike për klubin bardh e kaltër, ngase për herë të parë ndodhen në këtë fazë.
Ndeshja e radhës e Prishtinës do të jetë kundër skuadrës turke Pinar Karsiyaka më 9 janar 2019.
