Humb stinorin

Ditët e vështira për Derrick Rosein filluan pas përfundimit të operimit të tij, nga gjuri i djathtë. Rose ishte lënduar të premtën, kundër Portlandit, në fund të çerekut të tretë.

Chicago Bulls, në lidhje me operimin Rose, lajmëruan në faqen zyrtare të klubit, që do të humbasë tërë stinorin.

Trajneri i demave, Tom Thibodeau, dje kishte biseduar tërë natën me lojtarin e tij. 

“D-Rose, i shikon gjërat pozitivisht, që tani, ai po mendon për fazën e rehabilitimit, po brengoset për skuadrën. Situata është e hidhur, por nuk vie në konsiderim që të hidhërohemi për tërë skuadrën, sepse ne jemi Chicago Bulls dhe kemi qëllime, e ajo është që të fitojmë”. 

“Mendoj se kemi lojtarë, të cilët mund të arrijnë këtë qëllim”, kështu u shpreh trajneri optimist i Bullsave, Thibodeau.

D-Rose, i cili luajti në dhjetë ndeshje me Chicago Bulls sivjet, arriti një mesatare prej 15,9 pikëve, 4,3 asistimeve dhe 3,2 kërcimeve.