Demolojnë liderin

Sigal Prishtina ka qenë thjesht fantastike sonte. Djelmoshat e Ceyhun Cabadak kishin marrë veten nga humbja zhgënjyese në Sofje ndaj Levskit dhe kanë treguar një performancë shumë të mirë në fitoren e sontme ndaj Kumanovës. 

Kumanova që ka 4 humbje pas dhjetë xhirove, dy i ka humbur nga Sigal Prishtina, ku ekipi bardhekaltër nga kryeqyteti ynë i pat mposhtur edhe në xhiron e parë të Balkan League. 

Fillimi i mirë me treshet e Tay Waller dhe Kendrick Jones, si dhe mbrojtja e mirë e udhëhequr nga i rikthyeri në pesëshen e parë, Edmond Azemi i ka dhënë fillim efikas Sigal Prishtinës, që ka bërë të krijohet distanca e madhe në pikë. 

E maqedonasit e panë që edhe në çerekun e dytë e të tretë Sigal Prishtina nuk lëshonte pe dhe epërsia në fund të çerekut të tretë ishte 22 pikë, 65-37. 

Çereku i fundit i takoi maqedonasve të cilët ulën distancën për rezultatin përfundimtar të ndeshjes, 75-60. 

Fitorja e çon Prishtinën në pozitën e dytë të tabelës aktualisht, para ndeshjes së radhës që sonte e luajnë Galil Gilboa - Balkan Botevgrad. Kumanova vazhdon të jetë e para, me një ndeshje më shumë të zhvilluar se Sigal Prishtina. 

Rezultatet dhe tabela aktuale.

Statistikat ekipore:

	Sigal Prishtina	Kumanovo
Çereku i parë	21	10
Çereku i dytë	22	15
Çereku i tretë	22	12
Çereku i katërt	10	23
Kërcime	42	37
Asistime	18	8
Bllokada	1	3
Topa të vjedhur	9	3
Topa të humbur	12	15
Tentime për tre pikë	9/24	8/27
Tentime për dy pikë	21/48	12/32
Tentime nga gjuajtjet e lira	6/7	12/17

Statistikat individuale te Sigal Prishtina:

1	Kendrick Jones	16 pikë	6 kërcime	5 asistime
2	Blerim Mazreku	13 pikë	3 topa të vjedhura	2 kërcime
3	Dardan Berisha	11 pikë	3 kërcime	2 asistime
4	Aurimas Kieza	9 pikë	5 kërcime	3 asistime
5	Tay Waller	7 pikë	7 kërcime	2 asistime
6	Fisnik Rugova	6 pikë	5 kërcime	2 topa të vjedhura
7	Alban Veseli	5 pikë	1 kërcim
8	K'Zell Wesson	4 pikë	8 kërcime	3 asistime
9	Edmond Azemi	4 pikë	4 kërcime	2 asistime

Statistikat individuale te Kumanovo:

1	Royce Parran	13 pikë	3 kërcime	2 asistime
2	Vukasin Mandic	13 pikë	2 kërcime	2 asistime
3	Ivan Miskovic	11 pikë	8 kërcime	2 asistime
4	Uros Lukovic	7 pikë	16 kërcime	2 bllokada
5	Darko Radulovic	6 pikë	3 kërcime
6	Marjan Mladenovic	4 pikë	1 kërcim	1 asistim
7	Nemanja Vranjes	3 pikë	2 kërcime	1 asistim
8	Marjan Janeski	3 pikë	1 kërcim