Peja, në zonë të Play-Offit

Skuadra pejane pas fitores së sontme ndaj Kozuvit të Gjevgjelisë në kuadër të ligës ballkanike ka arritur të dalë në vendin e gjashtë të tabelës, më të mirin deri më sot. 

Përkundër se fitorja u arrit vështirë dhe me mund mjaft të madh, për shkak të mungesesës së disa lojtarëve, verdhezinjtë menaxhuan si duhet minutat e fundit të takimit dhe arritën fitoren e katërt të tyre në Balkan League. 

Fitores së pejanëve i kontribuoi edhe josaktësia dhe gabimet e shumta të mysafirëve nga Maqedonia në çerekët e fundit dhe derisa loja pejane luhatej, ata nuk arritën të përmbysnin epërsinë e vendasve. 

Të huajt efikas

Mario Edwards, ka qenë më efikasi në radhët e vendasve me 21 pikë të shënuara prej të cilave katër treshe. Derisa atij i kanë ndihmuar me pikë edhe Fred House, Teo Simovic e George Odufuwa. 

Edwards ka qenë shumë afër double-doubleit, pasi që përveç pikëve dyshifrore i mungoi edhe një asistim për t’i bërë 10 sosh. 

Samir Shaptahovic i lënduar nuk u paraqit fare në lojë, derisa nëse nuk e llogarisim Ersid Ljucën që luajti 3 minuta e gjysmë, Peja aktivisht luante me vetëm 7 lojtarë në parket, ku kjo fitore duhet vlerësuar shumë më shumë falë aftësisë edhe të trajnerit për të menaxhuar si duhet fondin e mangët të basketbollistëve. 

Te mysafirët, që ishin vetëm në çerekun e fundit më të mirë se Peja, më efikasi ka qenë serbi Igor Mijajlovic me 15 pikë të shënuara, 2 më shumë se bashkëkombasi i tij Miladin Pekovic. 

Zona Play-Off dhe fitorja +1 pikë

Me këtë fitore, Peja ka ngritur tani bilancin në 4 fitore dhe 5 humbje, ndërsa në të njejtën kohë ka mposhtur Kozuvin me 1 pikë më shumë sesa që ka humbur atje, që mund të jetë vendimtare për renditje në tabelë në fund të stinorit. 

Përndryshe, Peja ka dalë mbi Kozuvin në tabelë dhe ka bilanc dhe pikë të njejta me rivalin e sontëm. 

Rezultatet dhe tabela aktuale.

Statistikat ekipore:

	Peja	Kozuv
Çereku i parë	12	11
Çereku i dytë	22	17
Çereku i tretë	18	15
Çereku i katërt	16	19
Kërcime	33	26
Asistime	15	12
Bllokada	2
Topa të vjedhur	9	8
Topa të humbur	16	15
Tentime për tre pikë	7/21	7/29
Tentime për dy pikë	17/32	13/23
Tentime nga gjuajtjet e lira	13/20	15/17

Statistikat individuale te Peja:

1	Mario Edwards	21 pikë	9 asistime	6 kërcime
2	Frederick House	16 pikë	4 topa të vjedhura	2 kërcime
3	Teo SImovic	10 pikë	5 kërcime
4	George Oduwufa	10 pikë	5 kërcime
5	Gerti Shima	9 pikë	4 kërcime	1 asistim
6	Drilon Hajrizi	2 pikë	8 kërcime	3 asistime

Statistikat individuale te Kozuv:

1	Igor Milajlovic	15 pikë	3 kërcime	3 asistime
2	Miladin Pekovic	13 pikë	4 kërcime	3 topa të vjedhura
3	Slobodan Bozovic	10 pikë	6 kërcime	1 asistim
4	Vladimir Filipovic	7 pikë	2 kërcime	2 topa të vjedhura
5	Igor Penov	6 pikë	1 kërcim	1 asistim
6	Austin Lee Dufault	5 pikë	7 kërcime	1 top të vjedhur
7	Dimitar Mirakovski	3 pikë	2 asistime	1 kërcim
8	Zlatko Gocevski	3 pikë