Derbi në Karagaç, orari dhe gjyqtarët

Derbi i kësaj jave në Superligë luhet në Karagaç. Pas dramës në ligën ballkanike, pejanët do të kenë çfarë të shohin edhe të shtunën, kur Peja pret Trepçën, në kuadër të xhiros së tretë të Superligës. 

Peja kërkon fitore ndaj mitrovicasve që nuk kanë humbur ende, ndërsa për herë të parë pritet të luajnë në Superligë edhe dy përforcimet që nuk kishin të drejtë loje në xhiron e kaluar ndaj Sigal Prishtinës, Jan Mocnik dhe Radomir Marojevic. 

Në anën tjetër, kjo do të jetë ndeshja e parë e fortë për Trepçën dhe të gjelbërit pritet të tregojnë fuqinë e tyre ndaj nënkampiones së Kosovës. 

Të shtunën luhet edhe një ndeshje interesante, ku në Gjakovë, Vëllaznimi do të kërkojë fitoren e parë të stinorit ndaj Yllit të Suharekës që ka paralajmëruar edhe përforcimin e tretë të huaj dje. 

Të udhëhequr nga Jeton Nixha, kuqezinjtë presin fitore ndaj suharekasve, të cilët në xhiron që shkoi kanë shënuar fitoren e parë të stinorit dhe presin të vazhdojnë kështu edhe ndaj Vëllaznimit. 

Ndërkaq, të dielën kampionja, Sigal Prishtina, udhëton në Pejë për tu takuar Besën, që së fundi ka transferuar Mustafë Merovcin nga Bashkimi. 

Kurse ndeshja e fundit e xhiros luhet pak më vonë të dielën kur Kastrioti i Ferizajit pret Bashkimin e Prizrenit në palestrën Bill Clinton. 

TABELA AKTUALE

Orari dhe gjyqtarët e xhiros III: