PËRFORCIMI I RADHËS
Ylli me lojtar eksploziv
16 October, 2014 @19:40
Skuadra e fundit e pranuar në Superligë këtë stinor, Ylli, ka njoftuar për përforcimin e ri të tyre.
Fjala është për një kampion në divizionin e dytë të NCAA, Charles Hammork.
Hammork së fundi ka luajtur për ekipin e Universitetit të Missourit dhe është 198 centimetra i gjatë, derisa pas Derrick Washington dhe Najee White pritet të jetë një shtesë mjeshtërore në ekipin nga Suhareka.
Ylli ka arritur që të shënojë fitore që në xhiron e dytë të kampionatit, duke e mposhtur Kastriotin si vendas, derisa në xhiron e parë patën humbur me pak diferencë nga Bashkimi.
Me Hammorkun eksploziv në ekip, Ylli i udhëhequr nga ish basketbollisti i tyre, Agron Berisha, pritet t’i bëhet kokëdhimbje ekipeve që synojnë biletat e fundit për Play-Offit.
Video
Videoja e basketbollistit të ri të Yllit
