Dëshira e madhe mposht Pejën

Kampionja e Kosovës në basketboll, Peja, nuk ka arritur të shënojë fitore sonte në Karagaç ndaj Levskit. 

Kështu, verdhezinjtë kanë mbetur ekipi i vetëm pa fitore pas tre xhirove në Balkan League, përkundër se i kanë zhvilluar vetëm dy lojë deri më tani. 

Bullgarët Dimitar Angelov dhe Nikolay Varbanov bashkë me serbin Djordje Micic kanë bombarduar koshin pejan në momentet vendimtare, atëherë kur Peja afrohej më së shumti. 

Angelov shënoi 20 pikë, Varbanov 19, duke qenë 100% i saktë nga gjuajtjet nga loja, kurse serbi Micic shtoi 18 pikë të tjera prej të cilave katër treshe. 

Në anën tjetër dritat e vetme në ekipin pejan sonte ka qenë Fred House dhe George Oduwufa të cilët kontribuuan me 17, përkatëisht 13 pikë. 

Vlen të theksohet se Samir Shaptahovic ka dështuar me gjuajtjet e tij sonte duke tentuar 6 herë e duke mos shënuar asnjëherë për treshe, si dhe ka regjistruar numrin më të madh të topave të humbur në ekipin e tij, 4. E Peja asnjëherë në ndeshje nuk ka arritur që të dalë në epërsi, përkundër se në dy prej tre barazimeve të rezultatit pati topin dhe rastin. 

Sidoqoftë, kjo ka qenë përvoja e parë e Pejës në Karagaç dhe euforia ndoshta ka mbisunduar krahas dëshirës së madhe - që kanë dalë të jenë vrasëse për ata. 

Levski ka regjistruar fitoren e parë në Balkan League sonte, derisa ka dy humbje tjera, e Peja duhet të kërkojë fitoren tani në Kumanovë ku do të udhëtojë në ndeshjen e radhës të Balkan League.  

Rezultatet dhe tabela aktuale.

Statistikat ekipore

	Peja	Levski
Çereku i parë	19	23
Çereku i dytë	14	19
Çereku i tretë	26	17
Çereku i katërt	19	27
Kërcime	26	24
Asistime	12	16
Topa të vjedhur	11	6
Topa të humbur	12	17
Bllokada	3	1
Tentime për dy pikë	29/66	29/46
Tentime për tre pikë	5/26	8/15
Tentime nga gjuajtjet e lira	15/20	20/28

Statistikat individuale te Peja

1	Frederick House	17 pikë	5 kërcime	1 top i vjedhur
2	George Oduwufa	13 pikë	5 kërcime	1 asistim
3	Vedran Morovic	12 pikë	4 asistime	2 topa të vjedhura
4	Samir Shaptahovic	10 pikë	4 kërcime	3 asistime
5	Gerti Shima	10 pikë	5 kërcime	1 asistim
6	Mirza Ahmetbasic	8 pikë	3 kërcime	2 asistime
7	Rron Grapci	3 pikë
8	Drilon Hajrizi	2 pikë	2 kërcime	1 asistim
9	Valdet Grapci	2 pikë
10	Ersid Ljuca	1 pikë	2 kërcime

Statistikat individuale te Levski

1	Dimitar Angelov	20 pikë	5 kërcime	3 topa të vjedhura
2	Nikolai Varbanov	19 pikë	3 kërcime	1 asistim
3	Djordje Micic	18 pikë	5 asistime	3 kërcime
4	Hristo Zahariev	10 pikë	4 asistime	4 kërcime
5	Stefan Georgiev	6 pikë	6 kërcime	1 asistim
6	Lionel Chalmers	6 pikë	4 asistime	1 top i vjedhur
7	Pavel Ivanov	4 pikë	2 kërcime
8	Aleks Simeonov	3 pikë	1 kërcim	1 asistim