Kampioni ndalet nga 76ers

Kampioni aktual, Miami Heat, gjatë stinorit të rregullt, kishte një seri prej 15 fitoreve radhazi, të mbetura edhe nga stinori 2012/13.

Këtë seri të shkëlqyer, e përfundoi dje skuadra e Philadelphia-së, duke e mposhtur me rezultat 114-110.

Miami Heat, në fund të çerekut të tretë, kishte një epërsi prej nëntë pikëve, por në parket, ishte një lojtar që shkëlqente, edhepse e kishte statusin Rookie, ngase ky ishte viti e parë debutues të tij.

Michael Carter Williams, i Philadelphia-së, ishte shumë afër të bëj quardruble-double (në katër kategori, me numra dyshifrorë), i cili luajti me 22 pikë, 12 asistime, 9 topa të vjedhura dhe 7 kërcime, të cilët për një rookie këto shifra janë të mrekullueshme.

Carter Williams, u ndihmua edhe nga Evan Turner me 26 pikë e 5 asistime, ndërsa në anën tjetër, King James luajti me 25 pikë e 13 asistime, por nuk mjaftuan për fitore të kampionit.

Video

Performanca e Michael Carter Williamsit