Spurs fiton para tifozëve

Finalja e Konferencës Perendimore e vitit të kaluar, dje është luajtur në AT&T Center të San Antonios.

Vitin e kaluar San Antonio, në finale të Konferencës Perendimore, e kishte shkelur Memphisin, duke e përfunduar serinë me rezultat 4-0.

Nuk ndryshoi asgjë, skuadra e trajnerit Gregg Popovich, fitoi përsëri me rezultat 101-94.

Kawhi Leonard dhe Boris Diaw, shënuan nga 14 pikë secili, ku u ndihmuan edhe nga Tony Parker me 13 pikë e 9 asistime.

Tek “arushat”, më i miri ishte Tony Allen, i cili luajti me 15 pikë, por nuk mjaftuan për një befasi.

San Antonio, ndeshjen e radhës do të luaj kundër Los Angeles Lakers, ndërsa Memphis, kundër Detroitit.