Devin Johnson, i huaji i katërt i vreshtarëve për 22/23

Përkundër se nisën ngadalë verën dhe dukeshin sikur të vonuar, KB Rahoveci tashmë ka ngritur numrin e basketbollistëve të huaj në katër, derisa ka zyrtarizuar sot Devin Johnsonin si lojtar të ri në ekip për edicionin e radhës në Superligë 2022/23.

Basketbollisti në fjalë është lojtar që luan në pozitat 2 dhe 3, ndërsa është 196-centimetra i gjatë, kurse tashmë ka kaluar katër stinor në basketbollin evropian, duke qenë se ka luajtur në Bjellorusi, Lituani e Çeki deri tash.

Statistikat në ligat evropiane

Në stinorin e parë të kaluar në basketbollin evropian, në Bjellorusi, Johnson ka luajtur për Borisfen Mogilev ku ka pasur mesatare prej 20 pikësh për ndeshje, 4.8 kërcimesh dhe 1.8 asistimesh.

Stinori i radhës ai luajti në kategorinë e dytë lituaneze për ekipin Delikatesas ku shënoi 12.9 pikë mesatarisht me 3.5 kërcime e 1.3 asistime për lojë.

Ndërsa në sezonin e kalura ishte pjesë e ekipit elit çek, Nova Hut Ostrava ku në pak lojë që kishte shënoi mesatare prej 1.7 pikësh, 1.3 kërcimesh e 0.7 asistimesh. Aty ai i ka vetëm tre lojë të regjistruara, sipas bilansit statistikor të Proballers.

Devin Johnson 27-vjeç pritet që shpejt të arrijë në Mizahir Isma ku do të punojë nën urdhërat e Muhamed Thaçit trajner, ndërsa do t’i bashkangjitet kontigjentit të të huajve të ekipit, që tash bashkë me të, numërojnë katër.

I gjithë ekipi, të huajt dhe vendorët

Para tij, ekipi zyrtarizoi Chris Seeley që luan në pozitat 3 dhe 4 nga Domingues Hills në NCAA. Pastaj Rasheed Worrell që luan në pozitat 4 dhe 5 që ka luajtur basketboll evropian, së fundi në elitën norvegjeze, si dhe Jahii Carson - playmaker, që më parë ka bërë karrierë në Belgjikë te Limburg gjatë vitit 2021.

KB Rahoveci ende nuk ka bërë publike se a do të marr pjesë në ndonjë garë tjetër pos atyre vendore, ndërsa nga lojtarët vendorë pos rikthimit të Bardh Rexhës e mbajtjes së Visar Ejupit ka vazhduar me Musab Malën dhe Edmond Kryeziun.