HAJRIZI
Drilon Hajrizi/ BOROZANI/ Erdis Driza
Do të vazhdojmë me fitore
12 November, 2015 @9:16
Basketbollisti i Pejës, Drilon Hajrizi, ka qenë si zakonisht, njëri ndër lojtarët më të rëndësishëm të skuadrës së tij në fitoren e mbrëmshme ndaj Levskit në Karagaç.
Hajrizi ka pasur performancë tejet të mirë mbrëmë, duke shënuar 12 pikë, duke regjistruar 7 asistime dhe 3 kërcime në fitoren e ekipit të tij 75-68.
“Ne nuk ia nisëm mirë, pasi që ishim të lodhur paksa nga ndeshja e kaluar ndaj Sigal Prishtinës. Por, në fund luajtëm shumë mirë dhe besoj se e merituam fitoren. Shpresoj, që do të vazhdojmë me fitore të mëdha si kjo,” ka thënë Hajrizi për faqen zyrtare të BIBL pas fitores.
Peja në xhiron e radhës në BIBL udhëton drejt Malit të Zi për t’u përballë me Lovçenin, ndërsa në Superligë me radhë pret Bashkimit, ndërsa ka një ndeshje të shtyer ndaj Vëllaznimit.
