BOREA - DRITA
Drita e “ndezur”, fitorja e dytë rresht
17 November, 2019 @23:31
Pas dy humbjeve rresht, Drita kësaj radhe e regjistroi fitoren e dytë rresht, duke e mposhtur Borean me rezultat 67-74.
Qëndrim Demi ishte i pakapshëm te Drita. Ai luajti me 34 pikë, 7 asistime, 7 topa të rrëmbyer dhe 4 kërcime, derisa mori ndihmë edhe nga Laurant Ibrahimi me 13 pikë e Bardh Jakupi me 12 pikë e 10 kërcime.
Te Borea më i dalluari ishte Denis Rabushaj me 19 pikë, por nuk mjaftoi për ta ndalur serinë negative të Boreas prej 5 humbjeve.
Drita me bilanc prej 2 fitoreve e 2 humbje gjendet në pozitën e pestë, derisa Borea nuk ka fitore ende, pas 5 ndeshjeve të zhvilluara.
Në xhiron tjetër Drita takohet me New Basketin, kurse Borea me Vushtrrinë.