Drita merr rezultatet e testeve për COVID-19

Skuadra e Dritës, kampione e Kosovës, ka marrë rezultatet e testeve për COVID-19 sot dhe sipas njoftimit të klubit, të gjithë futbollistët dhe stafi kanë rezultuar negativ.

Kujtojmë, Drita pas eliminimit nga Champions League për shkak të COVID-19 ka rënë në Europa League, ku do të takohet me Sileksin maqedonas në kuadër të xhiros së dytë kualifikuese.

Ndeshja Sileks - Drita do të zhvillohet në Shkup më 17 shtator 2020. Fituesi, kalon në xhiron e radhës kualifikuese.

Për shkak të pandemisë së shkaktuar nga coronavirus, UEFA ka vendosur që të gjitha ndeshjet kualifikuese për këtë sezon në garat evropiane të luhen në sistem eliminimi pa ndeshje kthimi, ku shorti përcakton kush është vendas e kush mysafir.

Ndeshja nëse nuk ka fitues përgjatë kohës së rregullt e vazhdimeve, shkon deri në penallti për të përcaktuar fituesin.