PARA, UKRAINA - KOSOVA
Çast nga ndeshja Kosova - Ukraina/ Foto: FIBA.com
Dueli i shpresës
14 September, 2016 @9:07
Kosova sot zhvillon ndeshjen e pestë kualifikuese për Eurobasket 2017, ku tashmë nuk ka as mundësi matematike për kualifikim.
Sidoqoftë, synimi i Kosovës është që të arrijë së paku një fitore në kuadër të ciklit kualifikues, e pastaj të shikojë edhe të dytën (nëse ka mundësi) ashtu që të sigurojë mundësinë për të luajtur në kualifikime për Kampionatin Botëror “Kina 2019”.
Ukraina është nikoqire e Kosovës sot, por në Lituani, pasi që ukrainasit nuk e njohin Kosovën politikisht!!!
Përballjen e parë në Kosovë e fitoi Ukraina në një paraqitje shumë të mirë të Kosovës në “Minatori”, 63-70.
Sa i përket statistikave grupore deri tani, Ukraina është më e mirë se Kosova vetëm në gjuajtjet për dy pikë. Ndërsa në gjuajtjet e lira dhe ato për tre pikë, Kosova ka mesatare më të mirë.
Kurse në kërcime, asistime, topa të vjedhura, bllokada, pikë nga kundërsulmi - te të gjitha Ukraina dominon statistikisht.
Sa i përket individëve te Kosova më efikasi është Justin Doellman, ndërsa te Ukraina Viacheslav Kravtsov.
Kërcyes te ne është Fisnik Rugova me 6 për ndeshje, derisa te Ukraina Kyrylo Fesenko me 6.5 për ndeshje.
Për asistime, te ne është Dardan Berisha me 4 për ndeshje si mesatare, ndërsa te Ukraina, Oleksandr Lypovyy me 5.8.
Ukraina para kësaj ndeshjeje ka bilanc 3-1, me humbje të vetme nga Sllovenia, ndërsa Kosova, 0-4.
Ndeshja nis në ora 18:00.
