WARRIORS - MAVS
FOTO / nba
Durant shpëton Warriorsat
23 December, 2018 @9:39
Kampioni aktual i NBA-së, Golden State Warriors, e mposhti Dallas Mavericksin me rezultat 120-116.
Warriorsat e kishin krijuar një epërsi të lartë në ndeshje dhe filluan të festonin herët, por këtë e shfrytëzoi më së miri Dallasi dhe epërsinë e krijuar e zbriti në një pikë.
Krejt në fund përgjegjësinë e mori Kevin Duranti, dhe duke shënuar nga vija e treshit e vulosi fituesin e ndeshjes.
Duranti gjithashtu ishte koshashënuesi më i mirë te Warriorsat me 29 pikë të shënuara, derisa u ndihmua edhe nga Jonas Jerebko me 23 pikë dhe Stephen Curry me 22 pikë të tjera.
Te Dallasi më i miri ishte Wesley Matthews me 25 pikë, derisa Luka Doncic luajti me 19 pikë, kurse për shkak të një lëndimi të lehtë u detyrua që të largohet nga parketi para se të mbyllej ndeshja.
Kjo ishte fitorja e 22-të e stinorit për Warriorsat krahas 11 humbjeve që i kanë dhe gjenden në pozitën e tretë në Konferencën Perëndimore, kurse Dallasi ka bilanc prej 15 fitoreve e 16 humbjeve.
