OKC-HOU
Durantula e rrëzon raketën
12 March, 2014 @10:17
Në vitin e kaluar lojtari i Houstonit, Patrick Beverly, kishte bërë një ndërhyrje ndaj Russell Westbrookut, që i kushtoi këtij të fundit të bëhet tre herë operacion.
Këtë Westbrooku nuk e kishte harruar, ku gjatë ndeshjes së sotme u bënë ndërhyrje tepër të ashpra ndërmjet këtyre dy lojtarëve.
Megjithatë, deri në fund nuk ka pasur ndonjë lëndim.
E Kevin Durant nuk u ndikua fare nga kjo luftë. Ai ishte i koncentruar në ndeshje, derisa ekipi i tij arriti ta mposhtin Houstonin me rezultat 106-98.
Durantula luajti me 42 pikë, 5 kërcime e 4 asistime, derisa u ndihmua edhe nga Westbrook me 24 sosh. Te raketat, ish lojtari i Oklahomës James Harden, ishte më i miri me 28 pikë, por nuk mjaftuan për fitore.
Oklahoma, ka bilanc prej 47 fitoreve e 17 humbjeve dhe gjendet në pozitën e dytë të Konferencës Perëndimore.
Video
42 piket e Kevin Durantit
