ÇEREKFINALJA E KUPËS
Kupa e Kosovës/ BOROZANI/ D.S./Arkiv
Dy duele çerekfinale të Kupës sonte
26 January, 2017 @14:36
Në Prizren, Bashkimi pret Vushtrrinë në kuadër të çerekfinales së Kupës së Kosovës dhe me fitore potenciale që pritet, do të arrijë Final Fourin e Kupës së Kosovës.
Ndeshja nis në ora 19:00 në “Sezai Surroi”.
Në duelin tjetër çerekfinal pritet një luftë më e madhe, pasi që Ylli me përforcimet e fundit dëshiron të befasojë mbrojtësen e trofeut, Prishtinën.
Dueli nis në ora 18:00 dhe zhvillohet në “13 qershor” të Suharekës.
Deri tash, vetëm Peja e ka siguruar Final Fourin e Kupës, pasi që ditë më parë ka mposhtur Dritën në Gjilan për të arritur te katërshja më e mirë e Kupës e para.
Dueli tjetër çerekfinal është vendosur që të zhvillohet më datën 31 janar 2017, ku Rahoveci pret Trepçën, që gjithashtu pritet të jetë luftë interesante për të arritur turneun final të Kupës.
Organizatori i Final Fourit të Kupës së Kosovës do të shpallet pas mbylljes së konkursit të hapur nga FBK, ndërsa afati i fundit për aplikim është 27 janar 2017, në ora 12:00.
Çerekfinalet e Kupës:
| 26 janar 2017, ora 18:00 | G. E. Ylli - S. Prishtina | ||
| 26 janar 2017, ora19:00 | Bashkimi - Vushtrria | ||
| 31 janar 2017, ora 19:00 | Rahoveci - Trepça | ||
| E zhvilluar | Drita 42-81 Peja |
