E 11-ta rresht për liderin e Euroligës

Skuadra turke Anadolu Efes, nuk ka të ndalur. Kësaj radhe si mysafir ka mposhtur Alba Berlin me rezultat 86-99, duke e arritur fitoren e njëmbëdhjetë rresht dhe të 23-tën në përgjithësi.

Që nga fillimi i ndeshjes deri në fund basketbollistët e gjigandit turk e kishin të qartë se për çka kanë udhëtuar, duke luajtur mbrojtje të fortë dhe duke i konkretizuar aksionet e tyre sulmuese.

TABELA AKTUALE

Java e dytë me radhë që po mungon kandidati kryesor për MVP Shane Larkin për shkak të lëndimit. Por pavarësisht kësaj, nuk po vërehet mungesa e tij pasi që Vasilije Micic me 23 pikë dhe Adrien Moerman me 19 pikë ishin më efikasët tek mysafirët.

Për gjermanët më efiaksi ishte islandezi Martin Hermannson i cili luajti me 19 pikë.

Fitorja e 23 për turqit derisa kanë edhe 3 humbje, e vendasit kanë 9 fitore dhe 17 humbje.