FIBA EUROPE CUP
Foto: KB Peja/ Korniza
E rëndësishme për Pejën
1 November, 2016 @10:40
Basketbollistët e Pejës do të jenë në vendin e njohur për fëstëka nesër. Gaziantepi është nikoqir, ndërsa Peja do të tentojë të arrijë fitoren e parë si mysafir dhe të kap vendin e dytë në grup me një fitore potenciale.
Ekipi verdhezi duket të jetë i komponuar mirë në fillim të stinorit, ndërsa Aleksandar Todorov, është duke bërë llogari ndeshje pas ndeshjeje.
Pas fitores së parë (në histori të ekipit) ndaj AEK Larnacas në xhiron e kaluar të FIBA Europe Cup, tash misioni është më i vështirë.
Gaziantep ka në radhët e veta Marcus Denmonin, që ka qenë në ekipin e javës të FIBA Europe Cup, ndërsa ky njeri ka mesatare prej 30 pikësh për ndeshje!
Sidoqoftë, duke besuar në fuqitë e veta, verdhezinjtë do të tentojnë të dalin fitues në këtë duel që zhvillohet nesër me fillim prej orës 17 në palestrën “Sahinbey Karatas” të Gaziantepit.
TABELA AKTUALE E GRUPIT G:
| 1 | UBT Cluj (RUM) | 2-0 | ||
| 2 | Gaziantep (TUR) | 1-1 | ||
| 3 | Peja (KOS) | 1-1 | ||
| 4 | AEK Larnaca (QIP) | 0-2 |
