CLIPPERS vs SUNS
Lehtë ndaj Phoenixit
1 November, 2016 @8:46
Skuadra e Los Angeles Clippersëve nuk ka pasur fare probleme për të arritur te fitorja e tretë me radhë e stinorit, ndaj kundërshtarit që ende s’po e shijon fitore, Phoenix Suns.
Derisa Clippers morrën lehtë ndeshjen për të përmirësuar bilancin e tyre në 3-0 pas 3 ndeshjeve, Suns ra në 0-4, pas 4 ndeshjeve të para të stinorit dhe ende është në kërkim të fitores së parë.
Chris Paul e Blake Griffin shënuan mbi 20 pikë secili, për të përfunduar ndeshjen me rezultat 116-98 në të mirë të ekipit të tyre.
Paul përfundoi takimin me 24 pikë, 8 asistime e 5 kërcime, ndërsa Griffin me 21 pikë, 11 kërcime e 5 asistime.
Në anën tjetër, Phoenix, duhet të punojë ende për të arritur më shumë se të jetë kafshatë e lehtë për ekipet tjera këtë stinor.
