LIPJANI-MEGASPORT
E treta me radhë në pranverë
18 March, 2018 @22:33
Lipjani ka vazhduar me serinë e fitoreve në pjesën e dytë të stinorit të Ligës së Parë. Ata sot kanë mposhtur Megasportin në Prizren, ku luajtën në cilësinë e vendasit, 84-62 (19-15, 24-17, 18-15 dhe 23-15).
Më efikasi te ekipi fitues ka qenë Fazli Vitia me 29 pikë, prej të cilave shtatë treshe, ndërsa Fisnik Juniku ka shtuar 21 pikë tjera, prej të cilave gjashtë treshe.
Në anën tjetër te ekipi humbës, A. Lecaj ka shënuar 11 pikë, ndërsa E. Hameli 16 të tjera, që nuk mjaftuan për të befasuar lipjanasit.
Pas kësaj ndeshjeje, Lipjani është i dyti në klasifikim dhe ka bilanc 8-2, ndërsa Megasporti ka bilanc të kundërt dhe është i fundit në klasifikim.
