Edhe Pejës i hiqet ndalesa e transfereve

Pas Sigal Prishtinës, edhe Peja do të mund t’i regjistrojë të gjitha transferet e paralajmëruara për edicionin 2016/17, pasi FIBA sot ka hequr ndalesën e transfereve të shqiptuara ndaj këtij klubi në korrik të këtij viti.

Peja për shkak të një lënde të humbur në Tribunalin e Arbitrazhit në Basketboll (BAT), e ka pasur të ndaluar transferimin e lojtarëve.

Në saje të angazhimit të kryesisë së klubit pejan dhe krerëve të Federatës së Basketbollit të Kosovës (FBK), klubi ka arritur t’i kryejë obligimet dhe tashmë me përbërje të plotë mund të paraqitet në garat vendore dhe ndërkombëtare.

FBK vazhdon të jetë në dispozicion të klubeve dhe njëkohësisht falënderon Sigal Prishtinën e Pejën dhe organet përkatëse të FIBA-s për sjellje profesionale dhe qasje konstruktive deri më tani dhe presim që klubet tona të shmangin situatat e këtilla në të ardhmen.