Efes fundos Unicsin pas vazhdimeve

Anadolu Efes ka shënuar fitore të rëndësishme ndaj Unics Kazanit sonte, për të fundosur këta të fundit dhe për t’ia shtuar gjasat vetes për Play-Off të Euroligës.

Efes ka fituar 99-92 në Rusi pas vazhdimeve, pasi që ndeshja përfundoi 82-82 pas 40 minutave lojë.

Ekipi turk i drejtuar nga kroati Velimir Perasovic ka shënuar 17 pikë, karshi 10 pikëve të ekipit rus në vazhdime për të fituar ndeshjen.

TABELA AKTUALE

Më efikasi te Efesi ka qenë Derrick Brown me 24 të shënuara, ndërsa Jayson Granger ka shtuar 17 të tjera në fitore.

Në anën tjetër, koshashënuesi me mesatare më të mirë në Euroligë këtë stinor, Keith Langford, përkundër 23 pikëve nuk ka dalë të jetë i mjaftueshëm për fitore të rusëve, që tashmë janë gati të çregjistruar nga lufta për PlayOff.

Anadolu Efes tash ka bilanc 13-11 ndërsa Unics 7-17.