Efes kalon ngushtë Armanin

Anadolu Efes ka përmirësuar bilancin në Grupin F të Euroleague me fitore të rëndësishme ndaj Armani Milanos sonte. 

Ekipi turk ka rrëmbyer fitoren në fund, derisa ndeshja gjatë pjesës më të madhe të saj ka qenë e barabartë, ku herë njëra e herë skuadra tjetër merrte avantazhin. 

Stratos Perperoglou me 18 pikë e 5 kërcime, ka qenë lojtari kryesor i Efesit, derisa atij i ndihmuan edhe Milko Bjelica me 15 pikë e Thomas Heurtel me 10 sosh. 

Te ekipi vendas, që zbehu gjasat për kualifikim të mëtutjeshëm, më i dalluari ka qenë Marshon Brooks me 18 pikë, 4 kërcime e 3 asistime. 

Efes tash ka bilanc prej 4 fitoreve e 2 humbjeve, derisa Armani Milano ka mbetur me 1 fitore krahas 5 humbjeve në Grupin F.