Erjon Kastrati flet pas fitores ndaj Pejës

Skuadra e Golden Eagle Yllit ka shënuar fitore në ndeshjen e dytë të serisë finale ndaj Pejës, për të krijuar epërsi prej 2-0 në rezultat të përgjithshëm të serisë.

RAPORTI I NDESHJES

Një ndër faktorët kryesorë të kësaj fitoreje ishte edhe ai trepikësh i shënuar nga Erjon Kastrati, që e ktheu epërsinë në të mirë të Yllit edhe 26 sekonda para fundit.

Kastrati pas ndeshjes tha se ndjehet krenar që ekipi i tij nuk po dorëzohet asnjëherë dhe po lufton gjithmonë deri në fund.

“Në pjesën e parë si ekip kemi pasur përqindje shumë të ulët të saktësisë nga loja. Peja ka luajtur shumë mirë në pjesë parë. Por ne nuk u dorëzuam deri në fund. Nuk e di e sata lojë është që nuk po dorëzohemi dhe po kthehemi prej deficitit që po kemi. Jam shumë krenar me ekipin. Fitore jashtëzakonisht shumë e rëndësishme. Shkojmë në Pejë me 2-0. Definitivisht ende asgjë nuk ka përfunduar, por 2-0 është avantazh i mirë”, tha Kastrati për K Sport.

Kastati në fund i uroi shërim të shpejtë edhe lojtarit të Pejës, Laron Dendy, i cili u lëndua gjatë çerekut të dytë të ndeshjes.