SONTE NGA ORA 20:15
Fotot: KBPeja/Korniza/fb
Seria finale, Episodi: 2
9 May, 2021 @10:21
Seria finale e PlayOffit të Superligës së Kosovës vazhdon sonte. Golden Eagle Ylli ka epërsinë 1-0 në seri, pasi që mposhti Pejën në Karagaç në ndeshjen e parë të serisë, duke i marrë avantazhin e terrenit vendas dhe tashmë serinë mund ta përfundojë pa ndeshjen e pestë të zhvilluar, nëse nuk gabon rrugës.
Episodi i dytë i serinë finale zhvillohet sonte në 13 qershori të Suharekës (20:15) dhe trajneri i tyre Adis Beciragic do të ketë mundësi të mirë që përkundër të mungesës së LG Gill, të arrijë te fitorja e dytë, pasi që edhe në këtë ndeshje Peja do të ketë mungesën e të suspenduarit AJ Walton.
Mysafirët e sontëm, Peja, pos mungesës së ëaltonit do të duhet të kujdesen që të mos bëjnë gabime të shumta sikurse në përballjen e kaluar që i kushtoi në fund, ndërsa trajneri i tyre Dragan Radovic përmendi energjinë e harxhuar para kohe, që do t’i duhet shumë atyre sonte.
Në rast se Golden Eagle Ylli fiton, seria shkon në 2-0 dhe suharekasve do t’iu duhet edhe një fitore për titullin e parë të kampionit në histori.
Nëse fiton Peja, seria barazohet dhe bartet në Karagaç për episodin e tretë.
