Dallas Mavericks vazhdon formën e mirë, mposht Cleveland Cavaliers

Dallas Mavericks ka vazhduar formën e mirë që po tregon në këtë fund të stinorit të rregullt, duke mposhtur me rezultat 110-90 Cleveland Cavaliers në shtëpi.

Edhe në këtë ndeshje, slloveni Luka Doncic ishte më i miri për Dallasin duke shënuar 27 pikë dhe 8 kërcime për vetëm 23 minuta lojë. Me pikë dyshifrore te Dallasi u dalluan edhe Hardaway dhe Richardson me 20, respektivisht 18 pikë. Te mysafirët më të mirët ishin Sexton me 27 pikë dhe Osman me 22, por që ishin të pamjaftueshme për ta rrezikuar fitoren e Dallasit.

Kjo ishte fitorja e 8 për Dallasin në 10 ndeshjet e fundit, duke u bërë një nga skuadrat më në formë të momentit. Me këtë fitore, Dallasi renditet në pozitën e 6 në Konferencën Perëndimore, pozitë e cila siguron playoff-in; ndërsa Cleveland Cavaliers mbetet një nga skuadrat më të dobëta të këtij stinori, duke u renditur në pozitën e 13 në Konferencën Lindore.