FBK-ja shpalos dënimet

Vërtetësia e fjalëve të Devin Chambers, i cili në xhiron e kaluar konfirmoi për Borozani.com rrezikshmërinë e lojës në Vushtrri - më në fund u pranua edhe nga Federata e Basketbollit të Kosovës.

Mirëpo, kjo doli në pah në ndeshjen tjetër, kur mysafir në palestrën Jeton Tërstena ishte RTV 21.

Vushtrriasit 1’000 €

“Për fyerje racore ndaj basketbollistëve amerikan Ryan ëhite dhe Alex Joshua, Kosova Vushtrri dënohet me 100 euro. Hyrja e shikuesve në fushë për të kërcënuar dhe tentim sulmi ndaj gjyqtarëve dhe lojtarëve mysafir, Kosova Vushtrri dënohet me 1 mijë euro ose dy ndeshje pa prezencë të shikuesve,” shkruan në njoftimin e dalë sot nga FBK-ja.

Këto janë vetëm disa nga dëminet që ka shpërndarë FBK-ja në kuadër të xhiros së XIII të BKT Superligës. Tensionim të situatës ka pasur edhe në Prizren ku dënimet janë si vijon.

Sulmi i tifozit prizrenas do t’i kushtojë Bashkimit

“Sharjet në baza familjare ndaj Drilon Hajrizit dhe fyerjet racore ndaj treshes amerikane të Trepçës do t’i kushtojnë Bashkimit me 100 euro. Ndërsa tentim sulmi i një shikuesi ndaj lojtarëve mysafir i kushton prizrenasve me 500 euro tjera,” vazhdon më tej komunikata e FBK-së.

Edhe Drilon Hajrizi përkundër se nuk luante, nuk i shpëtoi dënimit. Ai do të duhet të paguaj 300 euro për shkak të goditjes në afekt ndaj tifozit që tentoi sulmin ndaj bankës së Trepçës.

Këto janë dënimet më të rënda deri më tani që janë dhënë ndaj ekipeve të Superligës. Në mes tyre edhe për gjyqtarë.